20.09.26 - 13:22
Brynjar Ingi Erluson
Stefán skoraði og sendi stuðningsmönnum kossa
Stefán Teitur skoraði fyrsta deildarmark sitt á tímabilinu
Mynd: Hannover 96
Stefán Teitur skoraði fyrsta deildarmark sitt á tímabilinu
Mynd: Hannover 96
Stefán Teitur Þórðarson, fyrirliði Hannover í þýsku B-deildinni, var á skotskónum í 2-1 sigri liðsins á Bochum í dag.
Það hefur ekki gengið nógu vel hjá Hannover í byrjun leiktíðar eftir öflugt síðasta tímabil.
Þjálfarinn var rekinn á dögunum og Sandro Wagner tók við keflinu, en leikmenn liðsins eru staðráðnir í að koma því aftur á réttan kjöl.
Stefán, sem var gerður að fyrirliða Hannover í sumar, kom liðinu yfir á 24. mínútu eftir hornspyrnu. Eftir darraðadans í teignum fékk hann boltann fyrir opnu marki, setti hann í netið og fagnaði með því að senda stuðningsmönnum kossa.
Hann kom síðan við sögu í öðru marki liðsins. Stefán komst í gegn en markvörðurinn sá við honum og aðeins nokkrum sekúndum síðar skoraði Marcel Harter annað mark Hannover.
Bochum minnkaði muninn í síðari hálfleik en Hannover hélt út og náði í sinn annan deildarsigur á tímabilinu. Liðið er komið með sjö stig eftir sex leiki og situr nú í 10. sæti.
Gísli Gottskálk Þórðarson var ekki með St. Pauli í 1-1 jafnteflinu gegn Cottbus. Hann kom til félagsins frá Lech Poznan en hefur ekki enn þreytt frumraun sína vegna meiðsla. St. Pauli er í 8. sæti með sjö stig.
Bjarni Mark Antonsson og Oskar Sverrisson voru báðir í liði Trelleborg sem vann 1-0 sigur á Tvaaker í suðurriðli sænsku C-deildarinnar. Trelleborg er á toppnum með 48 stig og sex stiga forskot á næsta lið.
Hólmbert Aron Friðjónsson byrjaði hjá Gwangju sem gerði 2-2 jafntefli við topplið Jeonbuk í suður-kóresku deildinni. Gwangju er á botninum með 15 stig en Jeonbuk fjarlægðist enn frekar titilbaráttuna með úrslitunum.
Þjálfarinn var rekinn á dögunum og Sandro Wagner tók við keflinu, en leikmenn liðsins eru staðráðnir í að koma því aftur á réttan kjöl.
Stefán, sem var gerður að fyrirliða Hannover í sumar, kom liðinu yfir á 24. mínútu eftir hornspyrnu. Eftir darraðadans í teignum fékk hann boltann fyrir opnu marki, setti hann í netið og fagnaði með því að senda stuðningsmönnum kossa.
Hann kom síðan við sögu í öðru marki liðsins. Stefán komst í gegn en markvörðurinn sá við honum og aðeins nokkrum sekúndum síðar skoraði Marcel Harter annað mark Hannover.
Bochum minnkaði muninn í síðari hálfleik en Hannover hélt út og náði í sinn annan deildarsigur á tímabilinu. Liðið er komið með sjö stig eftir sex leiki og situr nú í 10. sæti.
Gísli Gottskálk Þórðarson var ekki með St. Pauli í 1-1 jafnteflinu gegn Cottbus. Hann kom til félagsins frá Lech Poznan en hefur ekki enn þreytt frumraun sína vegna meiðsla. St. Pauli er í 8. sæti með sjö stig.
Bjarni Mark Antonsson og Oskar Sverrisson voru báðir í liði Trelleborg sem vann 1-0 sigur á Tvaaker í suðurriðli sænsku C-deildarinnar. Trelleborg er á toppnum með 48 stig og sex stiga forskot á næsta lið.
Hólmbert Aron Friðjónsson byrjaði hjá Gwangju sem gerði 2-2 jafntefli við topplið Jeonbuk í suður-kóresku deildinni. Gwangju er á botninum með 15 stig en Jeonbuk fjarlægðist enn frekar titilbaráttuna með úrslitunum.
24' TOOOOOR! ???? Stefan Teitur #Thordarson bringt uns in Führung! ????
— Hannover 96 (@Hannover96) September 20, 2026
Liveticker und "Rotes Radio": ?? https://t.co/1PEURhvfvW.#H96 #NiemalsAllein ???????? | #H96BOC 1:0 pic.twitter.com/UuxxhPMnMI
