Velska stjarnan Gareth Bale gæti verið í vandræðum fyrir fögnuð sinn eftir 2-0 sigurinn á Ungverjalandi í gær.
Velsku stuðningsmennirnir eru farnir að syngja um forgangsröðun Bale sem er samkvæmt honum Wales, golf og svo Real Madrid. Í nákvæmlega þessari röð eins og þeir orða það.
Wales komst á EM í gær með 2-0 sigri á Ungverjalandi en í fagnaðarlátunum fengu leikmenn velska liðsins borða sem var einmitt merktur með forgangsröðuninni.
Bale dansaði þar og skemmti sér með borðann en ljóst er stjórnarmenn Real Madrid munu ekki kætast yfir þessu uppátæki hans.
Hann hefur verið orðaður við Manchester United síðustu daga en leikmaðurinn er afar ósáttur með stöðu sína í Madríd.
WALES, GOLF, MADRID...in that order!! #WALHUN #TogetherStronger #Bale pic.twitter.com/GRJ5cps1Dp
— No Context Wales (@NoContextWelsh) November 19, 2019
Athugasemdir