Patrick Bamford sló í gegn með Leeds í ensku úrvalsdeildinni á síðustu leiktíð, en á þessari leiktíð hefur annað verið upp á teningnum.
Bamford hefur verið á meiðslalistanum og lítið náð að sýna hvað hann getur inn á fótboltavellinum.
Bamford spilaði síðast snemma í desember á síðasta ári þegar hann skoraði í jafntefli gegn Brentford. Hann kemur ekki til með að spila á næstunni.
Marcelo Bielsa, stjóri Leeds, segir að Bamford sé að glíma við ný meiðsli. Hann hafi verið að glíma við vöðvameiðsli en núna sé hann meiddur á fæti.
Hann hefur aðeins komið við sögu í sex leikjum í ensku úrvalsdeildinni á tímabilinu; gríðarlega svekkjandi tímabil fyrir hann.
Athugasemdir