„Markmiðið er að vinna Meistaradeildina"

Spánarmeistararnir heimsækja Levante í spænsku deildinni í dag og var Flick meðal annars spurður út í markmið tímabilsins.

„Markmiðið okkar á þessu tímabili er að vinna Meistaradeildina. Það er líka mikilvægt að vinna La Liga, það væri ótrúlegt að vinna deildina þrjú ár í röð," sagði Flick, sem hefur unnið deildina bæði árin sín við stjórnvölinn.

„Raphinha er að standa sig stórkostlega í nýju hlutverki sem nían. Hann er ótrúlegur leikmaður, að mínu viti er hann einn af bestu leikmönnum í heimi."

Táningurinn Hamza Abdelkarim var keyptur í sumar og hefur aðeins fengið nokkrar mínútur á keppnistímabilinu eftir mikinn spiltíma á undirbúningstímabilinu. Abdelkarim er 18 ára gamall og skoraði fjögur mörk í fimm æfingaleikjum. Fær hann tækifæri gegn Levante?

„Ég er mjög ánægður með Hamza, hann átti frábært undirbúningstímabil og er í baráttu um sæti í byrjunarliðinu. Hann getur reynst afar mikilvægur fyrir framtíð félagsins."