Heimild: Guardian 

Tveimur vikum áður en hlé var gert á ensku úrvalsdeildinni út af kórónuveirunni sneri Ramshaw aftur til vinnu á æfingasvæði Newcastle. Hann er aðstoðarliðsstjóri hjá félaginu.

Hann sneri aftur til vinnu eftir að hafa farið í mjaðmaraðgerð, þökk sé Carroll og öðrum leikmönnum Newcastle.

Carroll stóð fyrir söfnun á meðal leikmanna félagsins. Það söfnuðust 15 þúsund pund, eða tæplega 2,5 milljónir íslenskar krónur. Ramshaw gekkst undir aðgerðina og voru leikmennirnir ánægðir að sjá vin sinn aftur á æfingasvæðinu.

„George hefur verið hér frá því elstu menn muna," sagði Steve Bruce, stjóri Newcastle. „Leikmennirnir borguðu fyrir mjaðmaraðgerðina hans. Það var mjög fallega gert hjá þeim. Oft eru sagðir andstyggilegir hlutir um fótboltamenn, en þeir hjálpuðu honum."

„Ég held að þetta hafi upprunalega verið hugmynd Andy Carroll sem hefur lengi þekkt George."

Bruce sagði að aðgerðin hefði tekist vel og að Ramshaw hefði verið hoppandi um á æfingasvæðinu. „Ég hélt að hann myndi byrja að spila fljótlega," sagði Bruce léttur.

Ramshaw sagði sjálfur: „Ég og eiginkona mín erum bæði mjög þakklát. Mér líður frábærlega núna."