Það var ekki bara gleði og gaman þegar Manchester City kom sér í úrslitaleik enska bikarsins annað árið í röð.

Guardiola var ósáttur eftir leikinn. Kvartaði hann yfir dagsetningunni, en Man City spilaði 120 mínútur gegn Real Madrid á miðvikudag, datt úr leik og þurfti síðan að spila þremur dögum síðar í undanúrslitum bikarsins.

Hann og Jürgen Klopp eru þeir sem hafa mótmælt þessum ákvörðunum sem allra mest ásamt Mikel Arteta, en Guardiola er nú að íhuga það að hætta að mæta í viðtöl og annað sem sjónvarpsstöðvarnar biðja hann um að gera.

„Fólk getur ekki mögulega skilið þetta högg sem við fengum í andlitið þegar við vorum úr leik í Meistaradeildinni. Af hverju ekki að gefa okkur aukadag þar sem Man Utd, Chelsea og Coventry voru ekki að spila í miðri viku?“

„Já, þetta er fyrir þá sem sýna leikina beint. Okei, ekki biðja mig um að gera þessa auka hluti eftir leiki, því ég mun ekki gera það,“ sagði Guardiola.