Sterkasta lið 5. umferðar - Er að slá í gegn

Sigríður Theódóra Guðmunsdóttir fór fyrir liði Þróttara sem unnu 1-4 sigur á Víkingum og á Þróttur einnig þrjá fulltrúa í liði umferðarinnar. Mist Funadóttir og Jelena Tinna Kujundzic eru einnig í liði umferðarinnar.

Hrafnhildur Ása Halldórsdóttir er í liði umferðarinnar í fjórða sinn í sumar, af fimm mögulegum skiptum, og er að slá í gegn. Kristín Dís Árnadóttir og Edith Kristín Kristjánsdóttir, liðsfélagar hennar, eru líka í liðinu eftir góðan 1-3 sigur Breiðabliks gegn Þór/KA.

Þá voru tvö jafntefli í umferðinni. Ingibjörg Lúcía Ragnarsdóttir bjargaði stigi fyrir Stjörnuna gegn Grindavík/Njarðvík þar sem Lily Anna Farkas var þó besti maður vallarins. Tinna Brá Magnúsdóttir var þá maður leiksins í bragðdaufu jafntefli Vals og Fram.