Berglind sá landsliðshópinn fyrst í fjölmiðlum
Breiðablik vann sterkan 3-0 sigur á Stjörnunni fyrr í dag. Var þetta síðasti leikur fyrir landsleikjahlé sem varir í rúman mánuð. Berglind Björg Þorvaldsdóttir leikmaður Breiðabliks var ekki valin í EM hópinn, að hennar sögn kemur það þó ekki á óvart.
Lestu um leikinn: Stjarnan 0 - 3 Breiðablik
„Ég er mjög sátt með sigurinn og að við skulum hafa náð markmiðinu okkar, sem var að vinna síðustu fjóra leikina fyrir frí."
„Mér fannst liðsheildin skapa þennan sigur, við mættum vel stefndar í leikinn. Svo skorum við þrjú góð mörk og héldum hreinu."
Berglind segir það ekki hafa komið á óvart að vera ekki í landsliðshópnum sem fer á EM í Sviss.
„Það kom mér lítið á óvart, maður heldur alltaf í vonina en maður er ekki í hópnum að þessu sinni. Þannig ég fer í kærkomið sumarfrí."
„Ég hafði ekkert heyrt frá Steina eða KSÍ þannig ég var ekki að búast við því að vera í hópnum," segir Berglind og bætir við að hún hafi séð landsliðshópinn fyrst í fjölmiðlum.
Viðtalið má sjá í heild sinni í spilaranum hér fyrir ofan.
Athugasemdir
