5. deild: Skallagrímur hafði betur í miklum markaleik

KFS og Skallagrímur áttust við í eina leik kvöldsins í 5. deildinni og hafði Skallagrímur betur eftir mikinn markaleik.

Staðan var jöfn 2-2 í leikhlé og tókst gestunum frá Borgarnesi að tryggja sér sigur með mörkum á lokakaflanum.

Lokatölur urðu 3-5 fyrir Skallagrím og deildu leikmenn liðsins mörkunum bróðurlega á milli sín.

Junior Niwamanya var atkvæðamestur í tapliði KFS með tvennu.

Þetta var síðasti leikur Skallagríms þar til úrslitakeppnin hefst. Borgnesingar eru með +43 í markatölu og löngu búnir að tryggja sér þátttökurétt í umspili um sæti í 4. deild. Þeir geta þó misst toppsæti riðilsins til Smára sem er með +36 í markatölu fyrir lokaleik sinn.

Tvö efstu liðin í riðlinum fara áfram í umspilsleiki. 2. sæti úr B-riðli mætir 1. sæti úr A-riðli og öfugt.