England: Auðvelt fyrir Englandsmeistarana

Englandsmeistarar Arsenal tóku á móti nýliðum Coventry City í fyrstu umferð nýs úrvalsdeildartímabils á Englandi og skópu auðveldan sigur.

Kai Havertz skoraði úr auðveldu færi eftir góðan undirbúning frá Christos Tzolis og Riccardo Calafiori á vinstri vængnum og átta mínútum síðar tvöfaldaði Bukayo Saka forystuna eftir góða skyndisókn.

Tzolis fékk boltann á vinstri vængnum og átti lága fyrirgjöf sem Carl Rushworth markvörður Coventry sló út í teiginn, þar sem Saka var réttur maður á réttum stað og skoraði þægilega.

Coventry ógnaði meisturunum aldrei og var staðan 2-0 í leikhlé. Fyrirliðinn Martin Ödegaard innsiglaði sigurinn eftir góða sókn í upphafi síðari hálfleiks. Boltinn barst til Ödegaard í dauðafæri en Norðmaðurinn hitti hann illa og plataði þannig Rushworth, sem leyfði boltanum að leka í netið, alveg óvart

Hægt er að setja stórt spurningarmerki við Rushworth í tveimur seinni mörkum Arsenal, en heimamenn virtust aldrei skipta úr fyrsta gír í þessum leik. Þægilegur 3-0 sigur í höfn.