Arnaut Danjuma verður kynntur sem nýr leikmaður Everton á morgun en þetta segir ítalski blaðamaðurinn Fabrizio Romano.
Danjuma, sem er 25 ára gamall, er að ganga í raðir Everton á láni frá Villarreal.
Everton fær ekki kauprétt á leikmanninum en hollenska leikmanninum er ætlað að hjálpa Everton í fallbaráttunni.
Danjuma stóðst læknisskoðun hjá enska félaginu í gær og er nú verið að ganga frá helstu smáatriðum samningsins áður en hann verður kynntur á morgun.
Hann verður fyrsti leikmaðurinn sem Everton fær til félagsins í þessum glugga.
Athugasemdir