Byrjunarlið Leicester og Man City: Þrjár breytingar á báðum liðum

Þetta eru liðin í öðru og þriðja sæti deildarinnar. Man City er fjórum stigum á undan, en það er svo gott sem ómögulegt að ná toppliði Liverpool, sem er með ótrúlega 22 stiga forystu.

Heimamenn í Leicester gera þrjár breytingar á byrjunarliði sínu frá markalausa jafnteflinu gegn Úlfunum um síðustu helgi. Christian Fuchs kemur inn ásamt Dennis Praet og Kelechi Iheanacho. Ayoze Perez, Harvey Barnes og Hamza Choudhury detta úr liðinu.

Hjá Manchester City kemur Riyad Mahrez inn fyrir Gabriel Jesus, Gundogan fyrir David Silva og Fernandinho fyrir Otamendi. City vann West Ham mjög sannfærandi síðasta miðvikudag.

Leikurinn hefst klukkan 17:30 og hér að neðan má sjá bæði byrjunarlið.

Byrjunarlið Leicester: Schmeichel, Pereira, Evans, Soyuncu, Fuchs, Chilwell, Praet, Tielemens, Maddison, Iheanacho, Vardy.
(Varamenn: Ward, Justin, Morgan, Albrighton, Barnes, Perez, James)

Byrjunarlið Man City: Ederson, Walker, Fernandinho, Laporte, Mendy, Rodri, De Bruyne, Gundogan, Mahrez, B Silva, Aguero.
(Varamenn: Bravo, Stones, Jesus, D Silva, Cancelo, Otamendi, Foden)