2. deild kvenna: Luku tímabilinu með góðum sigrum

KÞ hafði sigur gegn Augnabliki, 5-0, í B-riðlinum. Steinunn Lára Ingvarsdóttir skoraði þrennu og Emma Sóley Arnarsdóttir tvö í sigrinum.

Liðið hafnaði í 7. sæti deildarinnar með 21 stig, jafnmörg og Dalvík/Reynir sem endaði ofar á markatölu.

Augnablik lenti í 8. sæti með 19 stig.

Álftanes kláraði tímabilið frábærlega og vann síðustu þrjá leiki sína í C-riðlinum. Það vann 3-0 sigur á KFR í gær þar sem Helga Kristinsdóttir gerði tvö og Birta Rún Össurardóttir eitt.

Álftnesingar höfnuðu í næstneðsta sæti með 14 stig, einu frá KFR sem lenti í 10. sæti.

B-riðill:

KÞ 5 - 0 Augnablik
1-0 Emma Sóley Arnarsdóttir ('15 )
2-0 Steinunn Lára Ingvarsdóttir ('33 )
3-0 Emma Sóley Arnarsdóttir ('43 )
4-0 Steinunn Lára Ingvarsdóttir ('76 )
5-0 Steinunn Lára Ingvarsdóttir ('79 )

C-riðill:

KFR 0 - 3 Álftanes
0-1 Helga Kristinsdóttir ('45 )
0-2 Birta Rún Össurardóttir ('55 )
0-3 Helga Kristinsdóttir ('90 )