Alex Neil er ekki lengur knattspyrnustjóri Preston í Championship-deildinni en frá þessu var greint í gær.
Síðasti leikur hans við stjórnvölinn hjá félaginu var 1-0 tap gegn Luton á heimavelli.
Preston hefur tapað þremur leikjum í röð og aðeins unnið þrjá leiki af síðustu 17 í öllum keppnum.
Preston er í 16. sæti Championship-deildarinnar, níu stigum frá fallsvæðinu.
Hinn 39 ára gamli Neil hefur stýrt Preston í tæp fjögur ár en hann tók við liðinu sumarið 2017. Undir hans stjórn hefur Preston endað í sjöunda sæti, 14. sæti og níunda sæti Championship-deildarinnar.
Neil hefur einnig stýrt Hamilton í Skotlandi og Norwich, núverandi toppliði Championship, á sínum stjóraferli.
Athugasemdir