Keflavík og Breiðablik gerðu jafntefli í 3. umferð Bestu deildarinnar í kvöld. Leikurinn var nánast tíðindalaus og markalaust í fyrsta grasleik Bestu deildarinnar þetta tímabilið.
Eftir að hafa tapað fyrstu tveimur deildarleikjum sínum er Keflavík komið á blað. Haraldur Freyr Guðmundsson þjálfari Keflavíkur ræddi við Fótbolta.net og var beðinn um að leggja sitt mat á leikinn.
Eftir að hafa tapað fyrstu tveimur deildarleikjum sínum er Keflavík komið á blað. Haraldur Freyr Guðmundsson þjálfari Keflavíkur ræddi við Fótbolta.net og var beðinn um að leggja sitt mat á leikinn.
Lestu um leikinn: Keflavík 0 - 0 Breiðablik
„Mér fannst við fínir, mér fannst við spila vel. Við gerðum það sem við lögðum upp með. Völlurinn er vissulega laus í sér og við töluðum um það að koma boltanum inn í teig hjá þeim og vinna fyrsta og annan bolta. Mér fannst við ofan á í fyrri hálfleik en svo jafnaðist þetta út," segir Haraldur.
Vallaraðstæður höfðu sitt að segja, völlurinn var erfiður og það bitnaði klárlega mikið á gæðum leiksins. Hversu mikil áhrif höfðu vallaraðstæður?
„Það hefur bara hellings áhrif. Apríl á grasi og völlurinn laus í sér. Mér fannst við spila vel á aðstæðurnar en það vantaði herslumun að skapa betri færi."
