Vilhjálmur Alvar Þórarinsson dæmir í kvöld viðureign Hibernian og Santa Coloma í forkeppni Sambandsdeildarinnar.
Liðin mætast í Edinborg í Skotlandi, heimavelli Hibernian, en gestirnir koma frá smáríki Andorru.
Dómarateymið er íslenskt í heild sinni. Gylfi Már Sigurðsson og Oddur Helgi Guðmundsson eru aðstoðardómarar. Fjórði dómari verður Ívar Orri Kristjánsson.
Leikurinn er liður í annarri umferð forkeppni Sambandsdeildarinnar, en í henni leika einnig Breiðablik, Valur og FH. Íslensku liðin þrjú mæta öll til leiks í dag og kvöld.
Athugasemdir