Í leik gegn Val á síðasta tímabili.
Valur hefur lagt fram tilboð í Kristófer Inga Kristinsson, framherja Breiðabliks, samkvæmt heimildum Fótbolta.net.
Kristófer var ekki í leikmannahóp Breiðabliks er liðið mætti FH í Lengjubikarnum síðastliðinn fimmtudag en samningur hans við Breiðablik rennur út í lok árs.
Kristófer var ekki í leikmannahóp Breiðabliks er liðið mætti FH í Lengjubikarnum síðastliðinn fimmtudag en samningur hans við Breiðablik rennur út í lok árs.
Greint var frá áhuga Vals á Kristófer fyrr í mánuðinum en þá var líka sagður áhugi frá Katar á leikmanninum. Kristófer hefur sjálfur tengingu í Val þar sem Kristinn Ingi Lárusson, stjórnarmaður í Val, er faðir Kristófers.
Hann skoraði fimm mörk í tíu byrjunarliðsleikjum með Breiðabliki á síðasta ári og kom hann inn á tíu sinnum til viðbótar.
Kristófer er uppalinn hjá Stjörnunni og hefur á ferlinum spilað með Willem II, varaliði PSV, Grenoble, SönderjyskE, VVV-Venlo. Hann lék á sínum tíma 33 leiki fyrir yngri landsliðin og skoraði tvö mörk.
Athugasemdir
