Lautaro Martínez elskar lífið í Mílanó.
Inter sýndi mikla yfirburði til að vinna Ítalíumeistaratitilinn í ár. Eins og greint hefur verið frá var Cristian Chivu valinn besti þjálfari ársins og Federico Dimarco leikmaður ársins en einn annar leikmaður Inter var verðlaunaður á lokahófi Serie A.
Það er framherjinn og fyrirliðinn Lautaro Martínez sem hlaut nafnbótina besti framherji ársins á deildartímabilinu. Lautaro endar að öllum líkindum sem markahæsti leikmaður tímabilsins með 17 mörk og 6 stoðsendingar í 29 leikjum. Anastasios Douvikas og Marcus Thuram koma næstir á eftir með 13 mörk ásamt Donyell Malen sem kom sem stormsveipur inn í deildina í janúarglugganum.
Mile Svilar markvörður Roma er valinn sem besti markvörður tímabilsins og þá er hægri bakvörður Cagliari, Marco Palestra, valinn sem besti varnarmaðurinn.
Nico Paz, stjörnuleikmaður Como, er besti miðjumaður tímabilsins og hlýtur Kenan Yildiz, sóknarleikmaður Juventus, nafnbótina besti ungi leikmaður tímabilsins.
22.05.2026 17:00
Chivu þjálfari tímabilsins og Dimarco besti leikmaðurinn
