Valdimar Þór: Það eru yfirleitt alltaf gæði í liðinu okkar

Víkingar voru ofan á bróðurpartinn af leiknum og uppskáru verðskulduð þrjú stig. Aðspurður hvernig hann upplifði leikinn sagði hann: 

„Já, mér fannst við stjórna leiknum í fyrri hálfleik en í smá erfiðleikum með að opna þá en það kom allt í seinni hálfleik. Leikurinn opnaðist aðeins meira og við nýttum okkur það.“

Valdimar var ekki í byrjunarliðinu í leik liðsins gegn Borac Banja Luka í vikunni sem að margir settu spurningarmerki við en hvernig metur hann sjálfur þá staðreynd að hafa ekki byrjað þann leik?

„Bara svekkjandi sko.“

Hann kemur inn í byrjunarliðið í dag og setur heldur betur mark sitt á leikinn og sýnir bæði gæði sín og mikilvægi:

„Já, eða þú veist, við erum með mikið af góðum leikmönnum þannig að það eru yfirleitt alltaf gæði í liðinu okkar“

Viðtalið má sjá í heild sinni í spilaranum hér að ofan.