fös 23. september 2022 06:00
Brynjar Ingi Erluson
Rakel Loga: Við vorum rekin
Jón Steindór Þorsteinsson og Rakel Logadóttir
Jón Steindór Þorsteinsson og Rakel Logadóttir
Mynd: Fótbolti.net - Hafliði Breiðfjörð
Knattspyrnudeild Fylkis sendi frá sér tilkynningu í gær þess efnis að Jón Steindór Þorsteinsson og Rakel Logadóttir hefðu látið af störfum hjá félaginu, en þau voru einfaldlega rekin.

Tilkynning Fylkis birtist á Facebook-síðu Fylkis í gærkvöldi en hún var svohljóðandi:

„Jón Steindór Þorsteinsson og Rakel Logadóttir hafa látið af störfum sem þjálfarar meistaraflokks kvenna í knattspyrnu hjá Fylki.

Fylkir vill koma á framfæri þökkum til Nonna og Rakelar fyrir sín störf í þágu félagsins og óskum þeim alls hins besta í framtíðinni.

Leit að nýjum þjálfurum fyrir meistaraflokk félagsins er hafin og munu þau mál skýrast bráðlega,"
sagði í yfirlýsingunni.

Rakel deildi fréttinni á Twitter í gær og birti ummæli með henni, en þar kom fram að þau hefðu einfaldlega verið rekin frá félaginu.

„Við létum ekkert af störfum. Við vorum rekin. Hressandi!," skrifaði Rakel á Twitter.

Fylkir, sem féll úr efstu deild á síðasta ári, hafnaði í 6. sæti Lengjudeildarinnar á tímabilinu með 21 stig. Liðið gerði níu jafntefli í átján leikjum sínum í deildinni.


Athugasemdir
banner
banner
banner