Bruno Fernandes var hetja Manchester United þegar liðið lagði erkifjendur sína í Liverpool að velli í fjórðu umferð enska bikarsins á þessum sunnudegi.
Fernandes byrjaði á bekknum en kom inn á sem varamaður í stöðunni 2-2.
Á 78. mínútu smellti hann svo aukaspyrnu rétt fyrir utan teiginn beinustu leið í netið.
Markið hjá Portúgalanum má sjá hérna. Hann setti boltann í markmannshornið en Alisson náði ekki að verja.
Eftir markalaust jafntefli við Liverpool í deildinni um síðustu helgi var Fernandes harðlega gagnrýndur fyrir frammistöðu sína og fyrir að spila ekki nægilega vel í stórleikjum. Í kvöld sýndi hann hvers megnugur hann er með innkomu sinni.
Athugasemdir