3. deild: Sjálfsmark réði úrslitum eftir dramatískar lokamínútur

Það fór einn leikur fram í 3. deildinni í dag þegar KF tók á móti Víði frá Garði og náði gestirnir forystunni snemma leiks.

Nadir Moukhliss skoraði á þriðju mínútu og héldu Víðismenn forystunni allt þar til á lokamínútunum, þegar Marinó Snær Birgisson jafnaði metin fyrir heimamenn.

Leikmenn KF héldu að þeir væru að bjarga stigi þarna en svo var ekki því gestirnir úr Garði náðu að pota inn sigurmarki. Hjörvar Már Aðalsteinsson var þar á ferðinni en hann er leikmaður KF og skoraði sjálfsmark í uppbótartíma.

Svekkjandi tap fyrir KF sem er með tvö stig eftir fjórar umferðir. Víðir er með sjö stig.