Forsætisráðherrann vill hafa úrslitaleikinn í opinni dagskrá
Keir Starmer.
Mynd: EPA
Mynd: EPA
Keir Starmer.
Mynd: EPA
Sir Keir Starmer, forsætisráðherra Bretlands og stuðningsmaður Arsenal, kallar eftir því að TNT Sports sýni frá úrslitaleik Meistaradeildarinnar gjaldfrjálst í opinni dagskrá.
Arsenal spilar þar við ríkjandi meistara Paris Saint-Germain á Puskás Aréna í Ungverjalandi.
Starmer skrifaði opið bréf til TNT á dögunum þar sem hann biðlaði til stjórnar fyrirtækisins að sýna leikinn í opinni dagskrá. Hann skrifaði bréfið skömmu eftir að tilkynnt hafði verið um ákvörðun sjónvarpsveitunnar að hafa leikinn ekki í opinni dagskrá.
Þetta verður í fyrsta sinn frá stofnun Meistaradeildarinnar árið 1992 sem úrslitaleikur keppninnar er ekki sýndur í opinni dagskrá á Englandi.
TNT er með sjónvarpsréttinn af öllum úrslitaleikjum Evrópukeppna í ár, en ensk félagslið komust í úrslit í öllum keppnum þetta tímabilið. Eina leiðin fyrir Englendinga til að horfa á úrslitaleikina er þó að kaupa sér áskrift af TNT Sports.
„Allir þrír úrslitaleikir UEFA eru aðgengilegir fyrir svo lítið sem 4,99 pund. Fyrir þá upphæð er mánaðaráskrift í boði sem inniheldur að auki aðgang að HBO Max," sagði í yfirlýsingu frá TNT.
Aston Villa fór létt með Freiburg í úrslitaleik Evrópudeildarinnar í vikunni og framundan eru úrslitaleikir í Sambandsdeildinni og Meistaradeildinni. Crystal Palace spilar við Rayo Vallecano á miðvikudagskvöldið áður en Arsenal mætir ríkjandi Evrópumeisturum PSG í lokaleik tímabilsins næsta laugardag.
Starmer skrifaði opið bréf til TNT á dögunum þar sem hann biðlaði til stjórnar fyrirtækisins að sýna leikinn í opinni dagskrá. Hann skrifaði bréfið skömmu eftir að tilkynnt hafði verið um ákvörðun sjónvarpsveitunnar að hafa leikinn ekki í opinni dagskrá.
Þetta verður í fyrsta sinn frá stofnun Meistaradeildarinnar árið 1992 sem úrslitaleikur keppninnar er ekki sýndur í opinni dagskrá á Englandi.
TNT er með sjónvarpsréttinn af öllum úrslitaleikjum Evrópukeppna í ár, en ensk félagslið komust í úrslit í öllum keppnum þetta tímabilið. Eina leiðin fyrir Englendinga til að horfa á úrslitaleikina er þó að kaupa sér áskrift af TNT Sports.
„Allir þrír úrslitaleikir UEFA eru aðgengilegir fyrir svo lítið sem 4,99 pund. Fyrir þá upphæð er mánaðaráskrift í boði sem inniheldur að auki aðgang að HBO Max," sagði í yfirlýsingu frá TNT.
Aston Villa fór létt með Freiburg í úrslitaleik Evrópudeildarinnar í vikunni og framundan eru úrslitaleikir í Sambandsdeildinni og Meistaradeildinni. Crystal Palace spilar við Rayo Vallecano á miðvikudagskvöldið áður en Arsenal mætir ríkjandi Evrópumeisturum PSG í lokaleik tímabilsins næsta laugardag.
TENGT EFNI
Forsætisráðherra Bretlands: Loksins komnir þar sem við eigum heima
Mynd: EPA
