Portúgalinn reynslumikli José Mourinho er að öllum líkindum að taka við Real Madrid í sumar og hefur stórveldið verið orðað við ýmsa öfluga leikmenn síðustu vikur.
Mourinho var staddur á Ólympíuleikvanginum í Berlín þegar FC Bayern spilaði úrslitaleik bikarsins við Stuttgart í gær. Talið er að hann hafi verið að fylgjast með franska kantmanninum Michael Olise.
Olise átti góðan leik. Hann lagði upp og fiskaði vítaspyrnu sem Harry Kane skoraði úr í 3-0 sigri.
Uli Höness, heiðursforseti Bayern, var spurður hvað honum fyndist um að Mourinho væri með eitt auga á Olise.
„Mourinho getur verið með fimm augu á Olise ef hann vill, hann mun samt ekki fá hann," svaraði Hoeness. Olise er ekki til sölu fyrir neina upphæð.
class="news-attachment-img">
22.05.2026 10:00
Mourinho vill fá Bastoni til Real Madrid
