Líf fær fyrsta kallið - Steini sér hana í bakverðinum
Líf Joostdóttir van Bemmel hefur átt frábært tímabil með Breiðabliki og fær nú sitt fyrsta kall í A-landsliðið.
Mynd: Fótbolti.net - Hafliði Breiðfjörð
Líf Joostdóttir van Bemmel hefur átt frábært tímabil með Breiðabliki og fær nú sitt fyrsta kall í A-landsliðið.
Mynd: Fótbolti.net - Hafliði Breiðfjörð
Líf Joostdóttir van Bemmel er annar tveggja nýliða í íslenska landsliðshópnum sem mætir Króatíu í umspili um sæti á HM í Brasilíu.
Hin 18 ára gamla Líf hefur átt afar gott tímabil með Breiðabliki og verið áberandi í sóknarleik liðsins. Hún hefur skorað sex mörk í 14 leikjum í Bestu deildinni og komið að fleiri mörkum með stoðsendingum.
Þorsteinn Halldórsson tók fram á blaðamannafundi í dag að hann horfi á Líf sem bakvörð í landsliðshópnum.
Líf hefur leikið bæði hægra og vinstra megin hjá Breiðabliki og sóknargeta hennar gefur íslenska liðinu góða möguleika úr bakvarðarstöðunni.
Þrátt fyrir ungan aldur hefur Líf þegar öðlast töluverða reynslu. Hún hefur leikið í Evrópukeppni með Breiðabliki og var í U19 ára landsliði Íslands sem tók þátt í lokakeppni Evrópumótsins í sumar.
Nú fær hún sitt fyrsta kall í A-landsliðið fyrir tvo stærstu landsleiki ferilsins til þessa.
Ísland mætir Króatíu ytra 9. október áður en liðin svo eigast við á Laugardalsvelli fjórum dögum síðar.
