Tíu þjálfarar sem ÍA getur horft til

Heimir Guðjónsson
Þrátt fyrir óraunhæfar kröfur Fylkis heyrast sögur þess efnis að Heimir sé enn efsti maður á blaði hjá Skagamönnum. Heimir lék með ÍA 1998 og 1999.

Lúðvík Gunnarsson
Hefur verið að gera góða hluti með U21 landsliðið eftir að Ólafur Ingi Skúlason var ráðinn til Breiðabliks. Lúðvík er sjálfur Skagamaður en hann hefur ekki farið leynt með það að hann vilji U21 starfið til frambúðar.

Eiður Smári Guðjohnsen
Það væri hæpið að sjá Eið halda áfram með KA eftir fall liðsins, klárlega spennandi kostur sem Skagamenn geta horf til.

Sigurður Ragnar Eyjólfsson
Hefur gert frábæra hluti með NSÍ Runavík í Færeyjum og er nú aðeins einu stigi frá því að landa færeyska meistaratitlinum. Fjölskylda Sigurðar er búsett á Íslandi og er hann opinn fyrir því að snúa aftur heim.

Gunnar Heiðar Þorvaldsson
Gunnar tók við HK síðasta vetur eftir að hafa gert góða hluti með Njarðvík þar áður. Hann er búsettur á Akranesi og þekkir vel til ÍA, þar sem sonur hans, Gabríel Snær, var leikmaður liðsins áður en hann var seldur út í sumar.

Srdjan Tufegdzic, Túfa
Hélt til Svíþjóðar síðasta vetur eftir að hafa verið sagt upp störfum á Hlíðarenda. Þekkir íslensku deildina vel og væri skemmtilegt að fá hann aftur í deildina.

Jökull Elísabetarson
Var rekinn frá Stjörnunni í byrjun sumars eftir að hafa verið í Garðabænum í fjögur ár.

Pétur Pétursson
Pétur hefur ekkert verið viðloðinn þjálfun síðan hann hætti með kvennalið Vals fyrir tveimur árum. Skagamaðurinn hefur aldrei stýrt ÍA á þjálfaraferlinum.

Arnar Grétarsson
Var síðast bráðabirgðaþjálfari Fylkis á síðasta tímabili og hefur ekki verið viðloðandi þjálfun síðan þá. Er opinn fyrir endurkomu á hliðarlínuna og klárlega góður kostur.

Sigurður Jónsson
Sigurður þekkir hvern krók og kima á Akranesi og eru eflaust margir Skagamenn sem vilja sjá hann við stjórnvölinn.