FH tekur á móti Blikum
Í dag er nóg um að vera í íslenska boltanum og hefst dagurinn á stórleik í Skessunni fyrir hádegi. FH tekur þar á móti Breiðabliki í Fótbolta.net mótinu.
Blikar eru búnir að tryggja sér toppsæti riðilsins en FH þarf sigur til að eiga möguleika á að ná öðru sætinu af HK, sem spilar við ÍBV skömmu eftir hádegi.
ÍA og Grótta eigast svo við í úrslitaleik í riðli 2. Sigurvegarinn hirðir toppsæti riðilsins af Stjörnunni. Jafntefli nægir Skagamönnum en ekki Seltirningum.
Í Reykjavíkurmóti karla á ÍR leik við KR. ÍR er með þrjú stig eftir þrjár umferðir á meðan KR trónir á toppi A-riðils með fullt hús stiga.
Valur og Víkingur R. eigast þá við í A-riðli Reykjavíkurmóts kvenna. Þar er Víkingur án stiga og með markatöluna 0-11 á meðan Valur er með þrjú stig úr tveimur leikjum eftir óvænt tap gegn Fylki í fyrstu umferð.
Einnig er keppt í Faxaflóamótinu og Kjarnafæðismótinu í dag.
Leikir dagsins:
Fótbolti.net mótið - A-deild, riðill 1:
10:45 FH - Breiðablik (Skessan)
12:00 HK - ÍBV (Kópavogsvöllur)
Fótbolti.net mótið - A-deild, riðill 2:
11:30 ÍA - Grótta (Akraneshöllin)
Reykjavíkurmót karla - A-riðill:
15:15 ÍR - KR (Egilshöll)
Reykjavíkurmót kvenna - A-riðill:
17:15 Valur - Víkingur R. (Egilshöll)
Faxaflóamótið - B-riðill:
14:00 Augnablik - HK (Kópavogsvöllur)
16:00 Afturelding - Grótta (Varmárvöllur - gervigras)
16:00 ÍBV - ÍA (Óákveðið)
Kjarnafæðismót karla - A-deild:
13:00 KA - Dalvík/Reynir (Dalvíkurvöllur)
Kjarnafæðismót karla - B-deild:
19:45 Kormákur/Hvöt - KF (Boginn)
Athugasemdir