Líkleg byrjunarlið: Valur - Víkingur

Langflestir spá því að Valur muni verja titil sinn. Liðið tapaði í Meistarakeppni KSÍ gegn Stjörnunni fyrir viku síðan eftir vítaspyrnukeppni en staðan var markalaus eftir venjulegan leiktíma.

Hannes Þór Halldórsson markvörður Vals fékk rautt spjald og tekur því út leikbann. Aðalmarkvörður Vals undanfarin ár, Anton Ari Einarsson verður því í marki Vals.

Að öðru leyti búumst við ekki við miklum breytingum á liði Vals frá leiknum gegn Stjörnunni fyrir viku síðan. Eiður Aron Sigurbjörnsson, sem var að glíma við smávægileg meiðsli, ætti að koma inn í byrjunarliðið.


Það ríkir aðeins meiri óvissa með byrjunarlið Víkings R. fyrir fyrsta leik í Pepsi Max-deildinni.

Arnar Gunnlaugsson þjálfari Víkings R. hefur mikið verið að rótera miðjusvæðinu auk þess sem Ágúst Hlynsson kom til liðsins á dögunum frá Bröndby. Miðjumaðurinn, Mohamed Didé Fofana sem kom til liðsins frá Sogndal hefur ekki enn fengið atvinnumannaleyfi hér á landi og er því ólöglegur í fyrsta leik.

Síðan er smá óvissa hverjir verða á köntunum hjá Víkingum og hjálpa til með í sóknarleik með Hollendingnum, Rick Ten Voorde. Miðað við þetta líklega byrjunarlið sem við stillum upp, verður það Daninn Nikolaj Hansen og Atli Hrafn Andrason sem verða með Rick Ten Voorde í framlínunni.

föstudagur 26. apríl
20:00 Valur-Víkingur R. (Valsvöllur)

laugardagur 27. apríl
14:00 ÍBV-Fylkir (Hásteinsvöllur)
14:00 Grindavík-Breiðablik (Kópavogsvöllur)
16:00 FH-HK (Kaplakrikavöllur)
16:00 ÍA-KA (Akranesvöllur)
20:00 Stjarnan-KR (Stjörnuvöllur)

Smelltu hér til að taka þátt í Draumaliðsleiknum í Pepsi Max-deildinni!