Stefán Þór skoraði tvö og lagði upp tvö.
„Ég man ekki hvenær ég spilaði síðast þegar það var ellefu marka leikur," sagði Stefán Þór Pálsson við Fótbolta.net eftir leik ÍR og Aftureldingar.
Lestu um leikinn: Afturelding 4 - 7 ÍR
„Einhvern veginn alltaf þegar við fjarlægjumst þá og komumst nokkrum mörkum yfir þá minnkuðu þeir alltaf muninn. En djöfull er þetta gaman og djöfull er gott að hafa klárað þetta og unnið þetta," sagði Stefán.
Stefán skoraði tvö mörk og lagði upp tvö að auki. Þegar hann var spurður hvort hann væri ekki ánægður með eigin frammistöðu hafði hann þetta að segja:
„Jújú, 100%. Það skiptir mestu máli að við unnum leikinn. Þrjú stig í pokann er bara virkilega dýrmætt í fyrsta leik og hvað þá á útivelli gegn Aftureldingu."
„Markmiðið út sumarið er að vinna næsta leik, sama hvaða leikur það er. Við eigum að geta unnið öll liðin sem eru í þessari deild," bætti Stefán við að lokum aðspurður úm markmið tímabilsins.
