![Lengjudeildin](/images/leng_150x150.png)
Keflavík fór til Akureyrar í dag og gerði jafntefli gegn Þór í Lengjudeildinni. Fótbolti.net ræddi við Harald Frey Guðmundsson þjálfara liðsins eftir leikinn.
Lestu um leikinn: Þór 1 - 1 Keflavík
„Ég er hrikalega ánægður með liðið mitt. Mér fannst við spila vel í dag á móti hörku góðu liði. Þetta var bardagaleikur og við vorum aðeins undir í byrjun leiks en svo fannst mér við vinna okkur vel inn í þetta og skorum gott mark og hefðum getað hamrað aðeins járnið þegar það var heitt og skorað annað mark," sagði Haraldur.
„Seinni hálfleikur var meiri stöðubarátta. Þeir voru aðeins betri þegar leið á, það fór að draga úr mörgum hjá okkur en við erum hrikalega ánægðir að koma hingað og ná í stig."
Keflavík fékk svo sannarlega tækifæri til að bæta við mörkum í fyrri hálfleik.
„Við viljum klárlega vinna alla leiki en við þurfum stundum að virða punktinn," sagði Haraldur.