Líklegt - og draumabyrjunarlið Íslands á morgun

Albert Guðmundsson hefur verið í hlutverki á vinstri vængnum og komið inn á völlinn í sóknarleiknum og Jón Dagur haldið sig hægra megin á vellinum.

Skagamennirnir Hákon Arnar Haraldsson og Ísak Bergmann Jóhannesson verða að öllum líkindum á miðsvæðinu.

Elías Rafn Ólafsson er ekki með í þessum leikjum og er baráttan á milli þeirra Rúnars Alex Rúnarssonar og Hákonar Rafns Valdimarssonar um markmannsstöðuna og við búumst við því að Hákon verði í markinu.

Hægri bakvörðurinn verður að öllum líkindum Guðlaugur Victor Pálsson. Við búumst svo við því að Daníel Leó Grétarsson verði í hjarta varnarinnar en hver verður með honum er ákveðið spurningarmerki. Við spáum því að Hörður Björgvin Magnússon verði með Daníel en þeir Stefán Teitur Þórðarson, Aron Einar Gunnarsson og Guðlaugur Victor koma sömuleiðis til greina.

Við búumst þá við því að Mikael Egill Ellertsson fái kallið í vinstri bakverðinum fram yfir Loga Tómasson en þeir eru nokkuð jafnir í þeirri í baráttu.


Fréttamaður setti sömuleiðis upp smá draumóra lið fyrir leikinn á morgun ef Arnar vildi fara alla leið í sóknaruppstillingu. Þá væru báðir bakverðir sóknarsinnaðir, Stefán Teitur í miðverðinum, Gylfi Þór með Ísaki sem sitjandi miðjumaður og Hákoni ýtt enn framar á völlinn.

Byrjunarliðin verða tilkynnt rúmlega klukkutíma fyrir leikinn á morgun.