Fotbolti.net
25.10.20 - 21:08
Ívan Guðjón Baldursson

England: Vardy kom inn og stal stigunum á Emirates

England: Vardy kom inn og stal stigunum á Emirates
Canon

Mynd: Getty Images

Arsenal 0 - 1 Leicester
0-1 Jamie Vardy ('80)
Arsenal og Leicester mættust í stórleik dagsins í enska boltanum og áttu heimamenn í Arsenal frábæran fyrri hálfleik þar sem vantaði ekkert nema mark.

Tilraunir Arsenal rötuðu ekki í netið en gestirnir frá Leicester héldu skipulagi og gerðu sig sárasjaldan líklega til að skapa sér færi.

Jamie Vardy er kominn aftur úr meiðslum og var honum skipt inn á 60. mínútu. Tuttugu mínútum síðar gerði hann sigurmark Leicester sem kom uppúr þurru.

Youri Tielemans átti þá frábæra langa sendingu upp völlinn sem Granit Xhaka réði ekki við og rataði beint á tyrkneska landsliðsmanninn Cengiz Ünder sem var kominn í gegn. Ünder var fljótur að hugsa og gaf boltann strax fyrir á Vardy, sem var einn og óvaldaður og skoraði auðveldlega.

Heimamenn reyndu að ná í jöfnunarmark í uppbótartíma en tilraunir liðsins slakar.

Sárt tap fyrir Arsenal en sætur sigur fyrir Leicester sem fer upp í fjórða sæti, einu stigi eftir toppliðum Everton og Liverpool. Arsenal situr eftir um miðja deild, þremur stigum eftir Leicester. Þetta var fyrsti sigur Leicester eftir tvo tapleiki í röð í úrvalsdeildinni.

Vardy er kominn með sex mörk í fimm leikjum á deildartímabilinu.

Stöðutafla

#LiðLmunStig
1Arsenal000
2Aston Villa000
3Bournemouth000
4Brentford000
5Brighton000
6Chelsea000
7Coventry000
8Crystal Palace000
9Everton000
10Fulham000
11Hull City000
12Ipswich Town000
13Leeds000
14Liverpool000
15Manchester City000
16Manchester Utd000
17Newcastle000
18Nott. Forest000
18West Ham38-1939
19Burnley38-3722
19Sunderland000
20Wolves38-4120
20Tottenham000
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.