Halldór Smári orðinn sá leikjahæsti í sögu Víkings

Met var slegið þegar leikur Víkings Reykjavík og Kórdrengja hófst klukkan 19:00.

Þá hófst 352. leikur Halldórs Smára Sigurðssonar fyrir félagið. Það er metfjöldi, enginn hefur leikið jafnmarga leiki fyrir Víking og Halldór. Hann er fæddur árið 1988 og er uppalinn hjá félaginu.

Halldór, sem leikur langoftast sem miðvörður, ber fyrirliðabandið í leiknum.

„Af leikj­un­um 352 hafa 138 þeirra komið í efstu deild, 79 í B-deild, 35 í bik­ar, einn í meist­ara­keppni KSÍ og tveir í Evrópukeppn­um. Þá hef­ur hann leikið 61 leik í deilda­bik­ar og 37 leiki í öðrum keppn­um," kemur fram á mbl.is.

Fótbolti.net óskar Halldóri til hamingju með metið.