Málfríður Erna áfram í Val

Málfríður, sem fagnar 36 ára afmæli sínu næstu helgi, er uppalin í Val og spilaði sitt fyrsta tímabil í Landssímadeildinni árið 2000.

Hún gekk til liðs við Breiðablik árið 2014 og lék þar tvö tímabil áður en hún sneri aftur í Val.

Hún hefur ákveðið að taka slaginn með liðinu í sumar og verður þetta því sautjánda tímabilið hennar með félaginu.

Málfríður á 201 leik í efstu deild með Val og hefur skorað 24 mörk. Þá á hún 33 landsleiki fyrir A-landslið Íslands.