Dean Smith hefur trú á sínum mönnum í Aston Villa fyrir lokaumferð ensku úrvalsdeildarinnar. Nýliðar Villa virtust vera svo gott sem fallnir þar til þeir lögðu Arsenal að velli í síðustu umferð.

Nú eru þeir jafnir Watford á stigum fyrir lokaumferðina og með aðeins betri markatölu. Góður sigur gegn West Ham í dag myndi því líklegast nægja til að tryggja liðinu sæti í úrvalsdeildinni.

„Ég hef haft mikla trú á hópnum frá því að við byrjuðum að vinna saman aftur eftir Covid hlé. Allir héldu að við værum fallnir eftir 3-0 tap gegn Manchester United en síðan þá höfum við nælt okkur í sjö stig, sem hefðu átt að vera níu, í þremur leikjum," sagði Smith.

„Við skiljum hvað við þurfum að gera. Við þurfum að fylgjast með hvað er að gerast í hinum leikjunum og haga okkur í samræmi við það. Alveg eins og í lokin á Championship tímabilinu í fyrra."

Endurkoma Villa í júlí hefur verið frábær þrátt fyrir að vera án Wesley og Tom Heaton vegna meiðsla.

„Eftir 33 ár í fótbolta er ég orðinn vanur pressunni sem fylgir þessu. Ég fer ekki mikið upp eða niður og finnst mikilvægt að gefa gott fordæmi fyrir leikmenn til að þeir læri að stjórna tilfinningum sínum."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit