Hrafn Tómasson lánsmaður frá KR spilaði sinn fyrsta leik í byrjunarliðinu í kvöld. Það vill svo skemmtilega til að hann var númer 24 á leikskýrslu KSÍ en spilaði sem númer 7, en hvað fannst Venna um frammistöðu hans hér í kvöld:
„Hann var frábær eins og við þekkum hann eða ég þekki hann. Hann er alltaf tilbúinn að fá boltann og vel spilandi. Við tókum smá áhættu því að hann er ekki varnarsinnaður miðjumaður í raun og veru. Hann hugsar mikið um sóknirnar og sendingar, en ef hann gerir það vel þá þurfum við ekki að hafa áhyggjur af vörninni"
„Hann var frábær eins og við þekkum hann eða ég þekki hann. Hann er alltaf tilbúinn að fá boltann og vel spilandi. Við tókum smá áhættu því að hann er ekki varnarsinnaður miðjumaður í raun og veru. Hann hugsar mikið um sóknirnar og sendingar, en ef hann gerir það vel þá þurfum við ekki að hafa áhyggjur af vörninni"
Lestu um leikinn: Grindavík 1 - 2 Þróttur R.
Það var öllum ljóst sem mættu til Grindavíkur í kvöld hvað grasið leit virkilega vel út og hafði Venni þetta að segja um ástand vallarins:
„Má ég segja þvílíkur völlur, þetta var eins og að spila einhvers staðar erlendis. Ótrúlegt veður hérna í Grindavík, ég hef bara ekki upplifað þetta. Það voru kjör aðstæður fyrir menn eins og Hrafn Tómasson hér í dag"
Eins og kunnugt er fyrir þeim sem fylgjast með Bestu deildinni þá hafa KRingar þurft að spila og æfa á Avis vellinum í sumar á meðan þeirra heimavöllur í vesturbænum hefur legið undir framkvæmdum og töfum. En truflar þetta Venna?
„Það hefur ekkert truflað mig ekki neitt. Þeir hafa meira að segja æft þarna líka inn á milli. Aldrei rekist neitt á, ég held að við höfum verið góðir gestgjafar og þeir góðir gestir"
Einn besti leikmaður liðsins Kári Kristjánsson var fjarri góðu gamni í kvöld þar sem hann er staddur í Danmörku og æfir með danska liðinu Hobro. En hefur Kári spilað sinn síðasta leik fyrir Þrótt í bili?
„Ég get eiginlega ekki svarað því, það er óráðið. Hann kemur held ég aftur á morgun, það er ekki alveg ákveðið hvernig hans nánasta framtíð verður. Ég bind vonir við að hann klári tímabilið með okkur og haldi svo áfram á önnur mið. Ef að Danirnir eru klókir ættu þeir að hneppa hann strax í sitt lið""
Athugasemdir
