26.08.26 - 18:16
Brynjar Ingi Erluson
Arna og Fanney í góðri stöðu - Inter tapaði fyrir þýska stórveldinu
Fanney Inga hélt hreinu í sigri Vålerenga
Mynd: Fótbolti.net - Hafliði Breiðfjörð
Fanney Inga hélt hreinu í sigri Vålerenga
Mynd: Fótbolti.net - Hafliði Breiðfjörð
Norska liðið Vålerenga er komið með annan fótinn í næstu umferð í Evrópubikarnum eftir að liðið vann 2-0 sigur á slóvenska liðinu Radamlje í dag.
Arna Eiríksdóttir og Fanney Inga Birkisdóttir voru báðar í byrjunarliði Vålerenga. Þær stóðu vaktina í vörninni, héldu hreinu og komu liðinu í góða stöðu fyrir síðari leikinn sem fer fram í Noregi eftir viku.
Selma Sól Magnúsdóttir var ónotaður varamaður hjá Rosenborg sem tapaði fyrir úkraínska liðinu SeaSters Odesa, 1-0.
Í forkeppni Meistaradeildarinnar tapaði Inter fyrir fyrrum Evrópumeisturum Wolfsburg, 2-0, í Þýskalandi. Cecilía Rán Rúnarsdóttir var í marki Inter og Karólína Lea Vilhjálmsdóttir var einnig í byrjunarliðinu.
Síðari leikurinn fer fram í Mílanó en sigurvegarinn tryggir sér sæti í deildarkeppninni.
Selma Sól Magnúsdóttir var ónotaður varamaður hjá Rosenborg sem tapaði fyrir úkraínska liðinu SeaSters Odesa, 1-0.
Í forkeppni Meistaradeildarinnar tapaði Inter fyrir fyrrum Evrópumeisturum Wolfsburg, 2-0, í Þýskalandi. Cecilía Rán Rúnarsdóttir var í marki Inter og Karólína Lea Vilhjálmsdóttir var einnig í byrjunarliðinu.
Síðari leikurinn fer fram í Mílanó en sigurvegarinn tryggir sér sæti í deildarkeppninni.
