Keflavík spilar á Ljósanótt - Leik í lokaumferð fyrir skiptingu flýtt

Mynd: Fótbolti.net - Hafliði Breiðfjörð

22. umferð Bestu deildarinnar, síðasta umferðin fyrir tvískiptingu, verður spiluð aðra helgi. Þangað til í gær voru allir leikir skráðir á sama tíma sunnudaginn 6. september.

Í gær var samþykkt að flýta einum leik um tæpan sólarhring og verður sá leikur stakur leikur á laugardeginum. Sá leikur er viðureign Keflavíkur og Vals.

Það var ósk Keflavíkur að fá að spila leikinn á laugardeginum þar sem þá helgina er Ljósanótt í bænum og laugardagskvöldið hápunktur hátíðarinnar. Það eru því líkur á því að talsvert fleiri komi á leikinn á laugardeginum en hefðu komið daginn eftir.

Það vekur athygli að KSÍ gefi grænt ljós á breytinguna því bæði lið, Keflavík og Valur, eru í baráttu um að enda í efri hluta deildarinnar þegar deildinni verður skipt í efri og neðri hluta eftir 22 umferðir.

Keflavík er í 5. sæti sem stendur þegar sex stig eru í pottinum, fjórum stigum fyrir ofan Stjörnuna sem er í 7. sæti og fimm stigum á undan Val sem er í 8. sætinu. Stöðuna í deildinni má sjá hér að neðan.

Var: 06.09.2026 14:00, HS Orku völlurinn
Verður: 05.09.2026 16:30, HS Orku völlurinn

Svona lítur 22. umferðin út
laugardagur 5. september
16:30 Keflavík-Valur (HS Orku völlurinn)

sunnudagur 6. september
14:00 Þór-FH (VÍS völlurinn)
14:00 ÍA-KR (ELKEM völlurinn)
14:00 Víkingur R.-Fram (Víkingsvöllur)
14:00 KA-Breiðablik (Greifavöllurinn)
14:00 Stjarnan-ÍBV (Samsungvöllurinn)

Mynd: Fótbolti.net - Hafliði Breiðfjörð

Stöðutafla

#	Lið	L	mun	Stig
1	Víkingur R.	20	+46	51
2	KR	20	+27	43
3	Fram	20	+14	43
4	Breiðablik	20	+5	30
5	Keflavík	20	-3	28
6	ÍA	20	-4	26
7	Stjarnan	20	-10	24
8	Valur	20	-7	23
9	FH	20	-12	18
10	ÍBV	20	-12	17
11	KA	20	-14	16
12	Þór	20	-30	15