Fullt nafn: Árni Elvar Árnason

Gælunafn: Kramer, Járni, Ánni

Aldur: 25 ára (18.nóv) Til hamingju með afmælið takk!

Hjúskaparstaða: Einhleypur

Hvenær lékstu þinn fyrsta leik með meistaraflokki: Árið 2011 á móti BÍ/Bolungarvík. KSÍ á ennþá eftir að skrá hann. Situr vel í mér.

Uppáhalds drykkur: Rauður Collab

Uppáhalds matsölustaður: Nútrí ef það telur annars Pastagerðin

Hvernig bíl áttu: Volkswagen Golf

Uppáhalds sjónvarpsþáttur: Suits

Uppáhalds tónlistarmaður: GusGus

Uppáhalds hlaðvarp: Dr. football og Steve Dagskrá. Mismunandi uppáhalds.

Fyndnasti Íslendingurinn: Hjörvar Hafliðason

Hvernig hljómar síðasta sms sem þú fékkst: Þetta er alveg að koma, er að safna þessu saman – Óttar Ásbjörnsson. Gæinn skuldar mér pening.

Hvaða liði myndir þú aldrei spila með: ÍR

Besti leikmaður sem þú hefur mætt: Gísli Eyjólfs er seigur

Besti þjálfarinn sem hefur þjálfað þig: Siggi Höskulds

Mest óþolandi leikmaður sem þú hefur mætt: Pálmi Rafn er pirrandi

Hver var fyrirmyndin þín í æsku: Steven Gerrard

Sætasti sigurinn: Að vera málari vikunnar hjá doktornum á undan Ása fagpensli var mikill sigur en að spila fyrsta leikinn minn fyrir Leikni í efstu deild og alla leiki eftir hann verður að vera sætasti sigurinn.

Mestu vonbrigðin: Að ná ekki að spila með Halldóri Frey Ásgrímssyni og Ottó Marinó Ingasyni. Þeir voru langbestir segja þeir.

Uppáhalds lið í enska: Liverpool

Ef þú fengir að velja einn leikmann úr öðru íslensku liði í þitt lið: Kristall Máni

Efnilegasti knattspyrnumaður/kona landsins: Fannar Breki Ronaldo Ægisson 6 ára.

Fallegasti knattspyrnumaðurinn á Íslandi: Dagur og Máni halda í alvöru að það séu þeir en Ásbjörn Freyr Jónsson leikmaður KB er alvöru fallegur

Fallegasta knattspyrnukonan á Íslandi: Elín Metta

Besti knattspyrnumaðurinn frá upphafi: Messi

Hver er mesti höstlerinn í liðinu: Arnór Ingi er með alvöru hæfileika á þessu sviði

Uppáhalds staður á Íslandi: Ísbúð Huppu

Segðu okkur frá skemmtilegu atviki sem gerst hefur í leik: Daði Bærings á það til að slefa mikið þegar hann verður reiður og Þegar hann sólaði alla varnarlínu Vals í 2. flokki, var tekinn niður og sakaður um að dýfa sér þá brást hann þannig við að hann fór upp að hverjum einum og einasta sem hann sólaði og öskurslefaði framan í þá “ég sólaði ykkur fjóra”. Leikurinn var stöðvaður um stund á meðan slökkviliðið dældi upp slefi af vellinum.

Ertu með einhverja hjátrú tengda fótbolta: Ég spyr alltaf Kristófer litla frænda minn hvort ég muni skora í leik dagsins. Í þessi tvö skipti þar sem hann hefur svarað játandi þá hef ég skorað. Svo er ég búinn að keppa í sömu sokkunum í 3 ár en þeir kláruðust í lok sumars og ég þarf að finna mér eitthvað nýtt.

Fyrir utan knattspyrnu, fylgist þú með öðrum íþróttum: Harður formúlu 1 maður og missi ekki úr keppni. Úrslitakeppnirnar í körfu og handbolta eru líka yfirleitt heillandi.

Í hvernig fótboltaskóm spilar þú: Bláum Puma Future

Í hverju varstu/ertu lélegastur í skóla: Spænsku

Vandræðalegasta augnablik: Líklegast þegar ég fór í SPKLM í sjötta eða sjöunda bekk, nýbyrjaður með stelpunni sem ég var skotinn í (geðveikt), valdi M og átti að kyssa hana á litlum hól á lóð Hólabrekkuskóla. Ákvað að vera með opin augun og er hún færðist nær mér hneig ég niður og sagði að hún væri eins og norn. Vorum víst byrjuð saman þarna líka svo hún hætti með mér í næstu frímínútum. Við erum ekki saman í dag.

Hvaða þrjá leikmenn tækir þú með þér á eyðieyju og af hverju: Bjarki Aðalsteins verður að koma með til að halda öllum líkamlega heilbrigðum. Einhver gæti látið þetta hljóma illa en gæinn er ólærður einkaþjálfari, yoga kennari og sálfræðingur. Loftur Eiríksson er næstur á blað en hann reisir líklegast einhver flott hús handa okkur úr engu. Ótrúlegur gæi. Daði Bærings (tvíkynhneigðir hringar) kemur með til að læra af okkur hinum.

Sturluð staðreynd um sjálfan þig: Ég er með jafn margar geirvörtur og Nikolaj Hansen

Hvaða samherji hefur komið þér mest á óvart eftir að þú kynntist honum og af hverju: Óttar Bjarni og hversu rosalega hrokafullur hann getur verið

Hverju laugstu síðast: Ég sagði við Oscar Clausen að hann væri með hátt enni. Hann svaraði “hvað sagðiru?” Ég sagði djöfull er heitt hérna inni.

Hvað er leiðinlegast að gera á æfingum: Skokka í hringi

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spyrja Steven Gerrard afhverju hann gat ekki notað annað orð en slip í peppræðu sinni eftir sigur á Norwich að mig minnir.