Lið og leikmaður 1. umferðar - Átti nánast fullkominn leik

Jóhann Birnir Guðmundsson er þjálfari umferðarinnar og þá er Emil Nói Sigurhjartarson í liðinu. Hann skoraði tvö mörk og átti stoðsendingu.

Þróttur vann 2-0 sigur á Njarðvík í stórleik fyrstu umferðar. Sigurður Egill Lárusson var valinn maður leiksins, Hlynur Þórhallsson var öflugur í vörninni og Tryggvi Snær Geirsson kom af krafti inn af bekknum.

Hinn sautján ára gamli Andri Valur Bergmann Steingrímsson var valinn maður leiksins í 1-1 jafntefli Völsungs og Leiknis. Hann minnir um margt á Hallgrím Mar bróður sinn.

Hjörvar Daði Arnarsson var maður leiksins í 1-1 jafntefli Vestra og Grindavíkur. Damir Muminovic var öflugur í hjarta varnarinnar.

Kári Sigfússon var með þrjár stoðsendingar í 3-0 sigri Fylkis á Ægi. Birkir Eyþórsson var valinn maður leiksins.

Karl Ágúst Karlsson skoraði tvö mörk fyrir HK í 4-1 sigri gegn Gróttu.