Ragnar dregur sig úr landsliðshópnum af persónulegum ástæðum
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Ragnar Sigurðsson hefur dregið sig úr landsliðshópnum út af persónulegum ástæðum. Þetta var tilkynnt á Twitter síðu KSÍ nú í kvöld.
Ragnar, sem er án félags, verður því ekki með þegar Ísland mætir Mexíkó, Færeyjum og Póllandi í komandi landsliðsverkefni. Ragnar var mættur með landsliðinu til Dallas í Bandaríkjunum en hefur nú ákveðið að draga sig úr hópnum.
Það vantar marga lykilleikmenn í landsliðshópinn en þar má nefna Gylfa Þór Sigurðsson, Jóhann Berg Guðmundsson, Hannes Þór Halldórsson, Alfreð Finnbogason og Kára Árnason.
Færsluna frá Knattspyrnusambandinu í kvöld á Twitter má sjá hér fyrir neðan.
Það vantar marga lykilleikmenn í landsliðshópinn en þar má nefna Gylfa Þór Sigurðsson, Jóhann Berg Guðmundsson, Hannes Þór Halldórsson, Alfreð Finnbogason og Kára Árnason.
Færsluna frá Knattspyrnusambandinu í kvöld á Twitter má sjá hér fyrir neðan.
Ragnar Sigurðsson verður ekki með landsliðinu í komandi vináttuleikjum, af persónulegum ástæðum, og hefur hann þegar yfirgefið hópinn. Ekki verður kallað á annan leikmann í hópinn fyrir leikinn við Mexíkó, en ákvörðun varðandi leikina við Færeyjar og Pólland verður tekin síðar.
— Knattspyrnusambandið (@footballiceland) May 27, 2021
