Á GeoSalmo Vellinum í Þorlákshöfn fór fram leikur Ægir og ÍR. Leikurinn var hluti af 6.umferð Lengjudeildarinnar. Heimamenn í Ægir sóttu sinn fyrsta sigur í mótinu 4-1 og öll mörkin skoruð í seinni hálfleik.
Nenad Zivanovic var að sjálfsögðu sáttur með fyrsta sigurinn eftir leik.
Lestu um leikinn: Ægir 4 - 1 ÍR
„Þvílíkur léttir, við loksins brutum ísinn. Þetta er búið að vera eins og töfrasirkús fyrir leikmennina. Ég held að eftir þennan sigur verður allt auðveldara."
„Við áttum þennan sigur mjög skilið. Börðumst allstaðar á vellinum, taktískt mjög flottir, gáfum ÍR ekki mikið og nýttum okkar færi."
Eftir mjög bragðdaufan fyrri hálfleik, mættu Ægismenn heldur betur vel stemdir út í seinni hálfleik með tveimur mörkum á fyrstu tíu mínútum leiksins.
„Ég breytti ekki miklu, bara aðeins hvernig við vörðumst. Ég bað bara um meiri ákefð og eins og alltaf að vera meira hugrakkir. Fótbolti er bara leikur, farðu út og njóttu, sigurinn er þarna en þú þarft að eiga hann skilinn."
Framundan hjá Ægir er ferðalag til Húsavíkur og leikur gegn Völsungi næst komandi Sunnudag.
„Húsavík er mjög sérstakur bær, allir hæfileikarnir sem þeir hafa gefið til Íslenska fótboltans. Hef spilað og þjálfað þarna og það er aldrei auðvelt. Þeir eiga í erfiðleikum með marga hluti eins og fjarlægð þjálfara og að geta ekki spilað Lengjubikarinn. Mér finnst þeir gott lið og þetta verður erfitt en við ætlum að gera okkar besta."
Viðtalið má sjá í heild sinni í spilaranum hér að ofan.
