„Eðlilega mjög svekktur að fá núll stig úr þessum leik" sagði Sigurvin Ólafsson, þjálfari Þróttar eftir 2-3 tap á heimavelli gegn Gróttu.
Venni var ekki ósáttur með frammistöðuna í dag.
Lestu um leikinn: Þróttur R. 2 - 3 Grótta
„Að mörgu leyti fín. Stöðurnar sem við sköpuðum okkur, færin sem við búum til eiga að vera nægilega mörg til þess að vinna þennan leik. En við fáum á okkur þrjú mörk, maður getur ekki endalaust talað um óheppni eða óréttlæti. Þetta var ekki nógu gott hjá okkur."
Voru þið betri í fyrri hálfleik en seinni hálfleik?
„Nei. Þeir byrja seinni hálfleikinn að jafna leikinn með skot sem fer í varnarmann og inn. Í kjölfarið erum við að mínu mati einráður á vellinum og látum það ekki telja. Það er kafli þarna tuttugu mínútur í seinni hálfleik þar sem við vöðum í færum og erum bara steinhissa að boltinn fari ekki inn og allt þetta. In the end er þetta ekki nógu vel gert, þetta þarf að enda í netinu. Svo taka þeir eitt upphlaup og skora úr því. Það er ekkert annað en okkar klúður."
Venni fannst mörkin sem Þróttur fékk á sig vera of auðveld.
„Já, ég meina fyrsta markið er auðvitað vel spilað hjá Gróttu, en bara allt of auðvelt fyrir þá að komast í gegnum vörnina hjá okkur. Þetta er aðeins of auðvelt fyrir þá finnst mér að skora þessi mörk. Við komum tvisvar yfir og eigum að geta skellt í lás og sært þá með því að hægelda þá."
Venni hefur ekki áhyggjur þrátt fyrir að Þróttur hefur fengið eitt stig í síðustu þremur deildarleikjum.
„Markmiðið var að vinna hérna og fá þrjú stig, endum með núll. Ég hefði meiri áhyggjur auðvitað ef við værum ekki að skapa okkur nein færi og andstæðingurinn væri að vinna okkur sanngjarnt. Ekki eins og þetta var ósanngjarn sigur. Við erum að skapa okkur þær stöður sem okkur langar í og færi og krossa og fimmtán horn. En ég hefði mögulega áhyggjur ef við værum hreinlega að spila illa. En hafandi sagt það þá er ég ekki það grænn og vitlaus að ég get alltaf hrósað okkur fyrir frábært spil og ægilega óheppnir, það er ekki svoleiðis."
Fullt viðtal í spilaranum fyrir ofan
