Á bak við tjöldin hjá nýrri kynslóð íslenskra umboðsmanna

Ný nöfn hafa verið að bætast í hóp íslenskra umboðsmanna á undanförnum misserum. Þar á meðal eru fyrrverandi atvinnumennirnir Kjartan Henry Finnbogason og Aron Jóhannsson, sem báðir náðu löngum atvinnumannaferli áður en þeir sneru sér að umboðsmennsku. Þá hefur Bjarki Már Ólafsson, fyrrverandi þjálfari, einnig haslað sér völl í bransanum á síðustu árum.

Þeir eiga það sameiginlegt að þeir vilja nýta reynslu sína úr fótboltanum til að leiðbeina næstu kynslóð leikmanna.

Fótbolti.net ræddi við Bjarka Má og Kjartan Henry um nýja hlutverkið, hugmyndafræðina sem þeir vilja vinna eftir og þær áskoranir sem fylgja þessum geira fótboltans.