2. deild: Hvíti riddarinn missti þrisvar niður forystu gegn Fjölni

Hvíti riddarinn fór illa að ráði sínu í 3-3 jafntefli gegn Fjölni í 2. deild karla á Malbikstöðinni að Varmá í kvöld. Mosfellingar komust þrisvar yfir en Fjölnismenn svöruðu í hvert skipti.

Hvíti riddarinn situr á botni deildarinnar og fékk þarna gullið tækifæri til að bæta stöðu sína. Alexander Aron Tómasson kom heimamönnum yfir snemma leiks en Árni Steinn Sigursteinsson jafnaði fyrir Fjölni tæpum tuttugu mínútum síðar.

Patrekur Orri Guðjónsson kom Hvíta aftur yfir á 69. mínútu en Fjölnismenn jöfnuðu öðru sinni. Jordan Chase Tyler virtist síðan ætla að skjóta heimamönnum til sigurs þegar hann kom þeim í 3-2 sjö mínútum fyrir leikslok.

Fjölnir neitaði hins vegar að gefast upp og jafnaði í þriðja sinn undir lok leiks. Lokatölur 3-3 og afar svekkjandi niðurstaða fyrir Hvíta riddarann.

Mosfellingar eru áfram á botninum með 17 stig þegar tvær umferðir eru eftir en Fjölnir er í sjöunda sæti með 26 stig. Hvíti þarf nú að treysta á að KFG og Þróttur Vogum tapi leikjum sínum um helgina, en bæði lið eru með 19 stig í tíunda og ellefta sæti deildarinnar.