Byrjunarlið Víkings í Bosníu: Sölvi gerir tvær breytingar

Klukkan 18:30 hefst seinni leikur Borac Banja Luka og Víkings í umspilinu um sæti í Sambandsdeildinni. Í kvöld er spilað í Banja Luka og Víkingur er tveimur mörkum undir eftir fyrri leikinn sem fram fór í Víkinni.

Sölvi Geir Ottesen, þjálfari Víkings, gerir tvær breytingar á sínu liði frá fyrri leiknum. Þeir Valdimar Þór Ingimundarson og Hrannar Snær Magnússon koma inn í liðið og þeir Nikolaj Hansen og Ármann Ingi Finnbogason taka sér sæti á bekknum. Daníel Hafsteinsson er að snúa til baka eftir meiðsli og er til taks á bekknum.