Dregið í Meistaradeildina í dag - Svona er styrkleikaröðunin

Í dag kemur í ljós hvaða lið mætast í deildarkeppni Meistaradeildarinnar en drátturinn fer fram í Mónakó klukkan 16:00.

Áhugavert er að tvö norsk lið eru í Meistaradeildinni þetta tímabilið; Bodö/Glimt og Viking. Þetta er í fyrsta sinn í 27 ár sem tvö norsk lið eru í keppninni.

Hér getur þú horft á dráttinn í beinni

Þetta er þriðja tímabilið með nýja fyrirkomulaginu þar sem 36 lið munu keppa við átta mismunandi andstæðinga og öll liðin raðast upp á sömu töflu. Átta efstu liðin komast beint í 16-liða úrslit en liðin í 9.-24. sæti fara í umspil.

UEFA kynnti nýja reglu í gær um að lið getur ekki fengið heimaleik gegn sama liðinu í deildarkeppninni þrjú ár í röð. Liverpool getur því ekki fengið heimaleik gegn Real Madrid og Arsenal getur ekki fengið útileik gegn Inter.