Lið vikunnar í enska - Milner og Pogba í liðinu

Tom Heaton - Burnley: Markvörður Burnley er þeirra fulltrúi eftir góðan 2-0 sigur gegn Watford.

Hector Bellerín – Arsenal: Sýndi í 3-0 sigrinum gegn Chelsea af hverju Barcelona vill fá hann. Frábær í sókn og vörn.

Steve Cook – Bournemouth: Hrikalega öflugur í loftinu í frábærum sigri gegn Everton.

Laurent Koscielny – Arsenal: Hann og Shkodran Mustafi ná geggjað vel saman.

James Milner – Liverpool: Þessi fjölhæfi leikmaður hefur gert vinstri bakvarðarstöðu Liverpool að sinni og það með stæl.

Harry Arter – Bournemouth: Miðjumaðurinn var maður leiksins í sigrinum gegn Everton.

Paul Pogba – Manchester United: Í sigrinum gegn Leicester sýndi Pogba loksins hvað hann getur.

Alex Iwobi – Arsenal: Þessi tvítugi leikmaður var afskaplega góður í sigrinum gegn Chelsea. Maður leiksins.

Son Heung-min – Tottenham: Frábær gegn Middlesbrough og sá til þess að Harry Kane var ekki saknað í þessum leik.

Alexis Sanchez - Arsenal: Þessi stórskemmtilegi Sílemaður kom Arsenal á bragðið gegn bláliðum.

Sergio Aguero – Man City: Guardiola er búinn að koma Argentínumanninum í fantaform. Skoraði tvö í sigri á Swansea.