Stjarnan hefur gert tilboð í Jóhann Árna Gunnarsson efnilegasta leikmann Lengjudeildarinnar og einn besta leikmann Fjölnis en þetta herma heimildir Fótbolta.net.
Frá þessu var greint í hlaðvarpsþættinum Ungstirnin sem kom út í morgun.
Frá þessu var greint í hlaðvarpsþættinum Ungstirnin sem kom út í morgun.
Jóhann Árni er um þessar mundir á reynslu hjá danska félaginu Viborg. Hann er tvítugur miðjumaður sem á að baki nítján leiki fyrir yngri landslið Íslands.
Í þættinum var sagt frá því að Jóhanni langaði að fara í KR en KR-ingar séu ekki tilbúnir að borga það sem Stjarnan er tilbúin að borga.
Jóhann er uppalinn í Fjölni og er samningsbundinn félaginu út tímabilið 2022.
Fyrir síðasta tímabil var hann orðaður við bæði ÍA og Fylki.
Athugasemdir