Sambandsdeildin: Bæði lið enn án sigurs og baulað á heimamenn

Einn leikur var í Sambandsdeildinni í dag en hann fór fram í Tyrklandi. Istanbul Basaksehir tók á móti Petrocub frá Moldóvu. Leikurinn endaði með 1-1 jafntefli. Basaksehir er með tvö stig í keppninni en þetta var fyrsta stig Petrocub.

Það var pólski sóknarmaðurinn Krzysztof Piatek sem kom heimamönnum yfir af vítapunktinum á 42. mínútu eftir að hendi hafði verið dæmd á leikmann Petrocub.

Piatek er kominn með þrettán mörk á tímabilinu, þar af þrjú í deildarkeppni Sambandsdeildarinnar. Hann hefur skorað þrjú af fimm mörkum tyrkneska liðsins í keppninni.

Ion Bors jafnaði fyrir Petrocub með skallamarki í uppbótartíma leiksins. Stuðningsmenn Basaksehir bauluðu eftir lokaflautið enda er liðinu að ganga illa á tímabilinu og er í áttunda sæti í tyrknesku deildinni.

FJöldi leikja verður í Sambandsdeildinni á morgun, þar á meðal er viðureign Noah og Víkings.

Sambandsdeildin - Leikir fimmtudags
15:30 Astana - Guimaraes
17:45 Heidenheim - Chelsea
17:45 Cercle Brugge - Hearts
17:45 Dinamo Minsk - FCK
17:45 Noah - Víkingur R.
17:45 St. Gallen - Backa Topola
17:45 Borac BL - LASK Linz
17:45 Molde - APOEL
17:45 Celje - Jagiellonia
17:45 Panathinaikos - HJK Helsinki
17:45 TNS - Djurgarden
20:00 Fiorentina - Pafos FC
20:00 Lugano - Gent
20:00 Boleslav - Betis
20:00 Olimpija - Larne FC
20:00 Omonia - Legia
20:00 Rapid - Shamrock